മഹാകുംഭമേള നടക്കുമ്പോൾ സമൂഹമാധ്യമങ്ങളിൽ ഏറെ ശ്രദ്ധിക്കപ്പെട്ട ഒരു താരമാണ് മൊണാലിസ ഭസ്‌ലെ. ഏറ്റവും പുതിയ അപ്ഡേറ്റ് അനുസരിച്ച് താരം ഇപ്പോൾ മലയാള സിനിമയിൽ എത്തുകയാണ്. പി കെ ബിനു വർഗീസ് രചനയും സംവിധാനവും നിർവഹിക്കുന്ന ചിത്രത്തിലൂടെയാണ് താരം മലയാളത്തിൽ എത്തുന്നത്. കൈലാഷ് ആണ് ചിത്രത്തിൽ നായകനായി എത്തുന്നത്.
ഇൻഡോർ സ്വദേശി ആയ താരം റീൽസുകളിലൂടെയും ഉത്തർപ്രദേശിൽ നടന്ന കുംഭമേളയിലൂടെയും സാമൂഹ്യ മാധ്യമങ്ങളിൽ ശ്രദ്ധ നേടിയ താരമാണ്. നാഗമ്മ എന്ന് പേരിട്ടിരിക്കുന്ന ചിത്രം ജിലി ജോർജ് ആണ് നിർമ്മിക്കുന്നത്. ഈ വർഷം സെപ്റ്റംബർ അവസാനത്തോടെ ചിത്രികരണം ആരംഭിക്കും എന്നാണ്‌ അണിയറ പ്രവർത്തകർ പുറത്തുവിടുന്ന വിവരം.
