ഏറെ സ്വഭാവസവിശേഷതകൾ ഉള്ള നടനാണ് മഹേഷ്‌ ബാബു. ഒത്തിരിയേറെ ജനപ്രിയ ബിഗ് ബഡ്ജറ്റ് സിനിമകൾ ചെയ്തിട്ടുള്ള മഹേഷ്‌ബാബു എന്ന നടനെ പുകഴ്ത്തി മുന്നോട്ട് വന്നിരിക്കുകയാണ് എസ്. രാജമൗലി. ഷൂട്ടിംഗ് സമയത്തും ഓഫീസിലും ആയിരിക്കുമ്പോൾ താരം മൊബൈൽ ഫോൺ ഉപയോഗിക്കാറില്ലന്നും 8മണിക്കൂർ തുടർച്ചയായി അദ്ദേഹം ഫോൺ ഉപയോഗിക്കാതെ ജോലി ചെയ്യുമെന്നും അദ്ദേഹം പറയുന്നു. വാരാണാസി എന്ന പേരിട്ടിരിക്കുന്ന മഹേഷ്‌ബാബു നായകനാകുന്ന പുതിയ ചിത്രത്തിന്റെ ടൈറ്റിൽ പ്രഖ്യപന വേളയിലാണ് രാജമൗലി ഇക്കാര്യം പറഞ്ഞത്.
ഹൈദരാബാദ് രമോജി ഫിലിം സിറ്റിയിൽ നടന്ന ചടങ്ങിലാണ് വാരാണസിയുടെ ടൈറ്റിൽ വെളിപ്പെടുത്തിയത്. രുദ്ര എന്ന കതപാത്രത്തെയാണ് മഹേഷ്‌ബാബു അവതരിപ്പിക്കുന്നത്. ചിത്രത്തിൽ ശ്രീരാമനായും താരം എത്തുന്നുണ്ട്. രാമന്റെ വേഷത്തിൽ മഹേഷിനെ കണ്ടപ്പോൾ തനിക്ക് രോമാഞ്ചം ഉണ്ടായെന്നും രാജമൗലി വെളിപ്പെടുത്തി.
